ബെംഗളൂരു: ഫെബ്രുവരി മുതൽ, ബെംഗളൂരുവിൽ താപനില ഉയരുകയാണ്, പരമാവധി 31 ഡിഗ്രി സെൽഷ്യസാണ് നിലവിൽ രേഖപ്പെടുത്തുന്നത്.
ഫെബ്രുവരി 20 വരെ ഉയർന്ന താപനില സാധാരണ നിലയിലായിരിക്കുമെന്ന് ബെംഗളൂരുവിലെ ഇന്ത്യൻ കാലാവസ്ഥാ വകുപ്പ് മേധാവി എ പ്രസാദ് പറഞ്ഞു.
ഔദ്യോഗികമായി, മാർച്ച് 1 ന് മാത്രമേ വേനൽക്കാലം ആരംഭിക്കൂ. എന്നാൽ അതിന്റെ ആഘാതം ഫെബ്രുവരിയുടെ അവസാന ആഴ്‌ചയിലോ അവസാന 10 ദിവസങ്ങളിലോ അനുഭവപ്പെട്ടേക്കാം. ആഗോളതാപനത്തോടെ, കൂടുതൽ ഏറ്റക്കുറച്ചിലുകൾ കാണുന്നു ഉദാഹരണത്തിന്, കഴിഞ്ഞ ഡിസംബറിൽ പതിവിലും കൂടുതൽ തണുപ്പായിരുന്നുവെന്നും അദ്ദേഹം പറഞ്ഞു.
ഫെബ്രുവരി അവസാനത്തോടെ, പരമാവധി താപനില 33 ഡിഗ്രി വരെ ഉയരാം. 1991 മുതൽ 2020 വരെയുള്ള 30 വർഷത്തെ ശരാശരി കണക്കു പ്രകാരം ഇപ്പോൾ, ഫെബ്രുവരിയിലെ താപനില സാധാരണ നിലയിലേക്കാണ് ഉള്ളത്. ഫെബ്രുവരിയിലെ സാധാരണ പരമാവധി താപനില 30.9 ഡിഗ്രി സെൽഷ്യസാണ്, നിലവിലെ മൂല്യം ഏകദേശം 31 ഡിഗ്രിയാണ്. കുറഞ്ഞ താപനില ഇപ്പോൾ 17 മുതൽ 18 ഡിഗ്രി സെൽഷ്യസ് വരെയാണ്, അദ്ദേഹം പറഞ്ഞു.
ജനുവരിയിലും നഗരത്തിൽ വലിയ ഏറ്റക്കുറച്ചിലുകൾ കണ്ടില്ല. എന്നിരുന്നാലും, വടക്കൻ കർണാടകയിലെ ചില ഭാഗങ്ങളിൽ ശീത തരംഗ മുന്നറിയിപ്പ് നൽകിയിട്ടുണ്ട്. മാർച്ചിൽ, സാധാരണ പരമാവധി താപനില 33.4 ഡിഗ്രി സെൽഷ്യസാണ്, ഈ വർഷം അസാധാരണമായ വർദ്ധനവ് കാലാവസ്ഥാ വകുപ്പ് പ്രതീക്ഷിക്കുന്നില്ലന്നും വ്യക്തമാക്കി.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
